Kòmanse ak Nexora se yon demach ki senp, ki pa koute chè epi ki fèt espesyalman pou reyalite komès yo an Ayiti. Nou kreye solisyon sa a pou pèmèt tout antreprenè, kit biznis la piti oswa li gwo jere lavant yo pi byen, san yo pa bezwen depanse yon fòtin oswa enstale gwo aparèy konplike.

Men sa ou bezwen tout bon vre pou ou kòmanse.

1. Yon òdinatè pou dirije aktivite ou

Pou sèvi ak Nexora, ou bezwen yon òdinatè biwo oswa yon laptop. Aparèy sa a ap sèvi ou pou anrejistre lavant, gade rapò yo, suiv kijan biznis la ap mache epi jere operasyon chak jou yo.

Konsèy : Li pi bon si òdinatè sa a dedye sèlman pou travay biznis la, konsa ou evite erè oswa pèdi done.
Pa gen tèt chaje : Ou pa bezwen yon òdinatè dènye kri. Depi li an bon eta epi li ka ale sou entènèt, li ase. Nexora mache dirèkteman nan navigatè (browser), kidonk ou pa bezwen enstale anyen ki konplike.

2. Yon koneksyon Entènèt ki adapte ak reyalite nou

Nexora se yon solisyon "Cloud", sa vle di tout enfòmasyon biznis la bakòp (sauvegardé) otomatikman sou entènèt. Sa pèmèt done ou yo an sekirite epi ou ka jwenn yo nenpòt lè.

Reyalite lokal : Nou konnen jan entènèt ka varye an Ayiti. Se pou sa nou fè Nexora yon fason pou li ka travay menm si koneksyon an pa twò rapid.
Fleksibilite : Yon koneksyon Wi-Fi, yon modèm mobil oswa menm yon pataj koneksyon ak telefòn ou ka kont pou ou kòmanse.

3. Chwa resi a : sou papye oswa sou fòma dijital Avèk Nexora, ou gen libète pou chwazi kijan ou vle bay kliyan ou yo prèv peman yo :

Resi sou papye : Si ou prefere bay yon papye nan men, ou ka sèvi ak yon enprimant tèmik (compatible POS). Li rapid, li pa chè, epi li pa bezwen lank.
Resi dijital : Ou ka chwazi yon fason ki pi modèn kote ou voye resi a bay kliyan an dirèkteman sou WhatsApp, pa imèl, oswa pa SMS.

Nòt : Enprime resi pa yon obligasyon. Nexora pèmèt ou fè ekonomi sou papye epi bay kliyan ou yo yon sèvis ki pi rapid epi ki pwofesyonèl.

4. Yon solisyon pou kouran

Nou konnen pwoblèm kouran se reyalite nou chak jou. Pou biznis la pa janm kanpe, li rekòmande pou ou gen yon plan sekou tankou :

Yon envètè (inverter).
Yon batri oswa yon "power bank" pou òdinatè a ak modèm nan. Sa ap pèmèt ou kontinye vann menm lè pa gen kouran nan zòn nan.

5. Yon moun ki responsab sistèm nan

Nexora se yon zouti ki senp, men pou li bay rannman, fòk moun sèvi avè l ak disiplin. Li enpòtan pou yon moun (mèt biznis la oswa yon anplwaye serye) responsab pou :

Anrejistre tout lavant yo kòrèkteman.
Suiv rapò yo chak jou.
Sèvi ak sistèm nan chak fwa gen yon tranzaksyon.

Jere biznis ou sou telefòn ou, kèlkeswa kote ou ye

Youn nan pi gwo avantaj Nexora, se posiblite pou ou kontwole biznis ou a distans sou telefòn ou. Kit ou lakay ou, nan lari, oswa menm an pwovens, ou sèlman bezwen konekte sou smartphone ou pou wè tout sa k ap pase an tan reyèl.

Sa pèmèt ou gen plis transparans, plis kè poze, epi ou ka pran bon desizyon pou biznis ou san ou pa bezwen la fizikman.

Akonpayman Nexora : Ou pa pou kont ou

Ekip Nexora a la pou ede ou nan :

Mete sistèm nan kanpe pou ou.
Fòmasyon pou ou ak anplwaye ou yo.
Sipò teknik depi ou gen yon pwoblèm.

Èske ou pare pou kòmanse ?

Ou pa bezwen peye dè milye dola pou ou jere antrepriz ou byen. Avèk Nexora, ou chwazi yon solisyon modèn, ki pa chè, epi ki adapte ak jan nou viv an Ayiti.

Kòmanse jodi a ak Nexora epi jere biznis ou yon lòt jan.