An Ayiti, antreprenarya se kouraj. Chak jou, anpil milye pwopriyetè biznis leve bonè, fè sakrifis, pran risk, pou kenbe aktivite yo vivan malgre tout difikilte yo. Men gen yon verite nou dwe di byen fò : Anpil biznis ap pèdi lajan, tan ak opòtinite, pa paske yo pa travay di, men paske yo pa gen bon zouti pou kontwole sa k ap fèt nan biznis yo.

Lè bon jesyon vin tounen yon privilèj

Jodi a, si yon biznis vle gen yon sistèm pou kontwole vant li, swiv lajan ki antre ak ki soti, gen rapò klè sou pèfòmans li, souvan yo fè l kwè li oblije peye $2,000, $3,000, $5,000 US, tann plizyè mwa pou devlopman epi depann totalman de yon devlopè. Sa fè anpil ti biznis ak mwayen biznis dekouraje, oswa kontinye travay “a 2 je yo”, ak kaye, oswa fich Excel ki pa adapte ak reyalite yo.

Men kestyon an se : èske sa nòmal ?

Kontwole biznis ou pa dwe yon liks

Nan Nexora, nou kwè yon bagay senp men fondamantal :

Kontwole biznis ou pa dwe yon privilèj. Se yon dwa pou tout antreprenè.

Kit ou gen :

Yon ti boutik,
Yon restoran,
Yon famasi,
Yon bar,
Yon depo,
Oswa yon biznis sèvis,

Ou merite gen aksè ak yon sistèm modèn ki ede w konprann biznis ou, pran pi bon desizyon, epi grandi. San peye yon fòtin, san antre nan konplikasyon teknik, San depann de kou ak pil aparèy bien chè.

Yon lòt fason pou panse teknoloji an Ayiti

Nexora pa bati pou yon ti gwoup biznis privilèjye. Nou bati li pou reyalite Ayiti.

Sa vle di :

Yon modèl abònman, olye de frè devlopman chè
Yon sistèm senp, fasil pou itilize
Aksesib sou plizyè aparèy a menm tan
Yon pri ki adapte ak kapasite biznis lokal yo

Ou pa peye pou devlopman lojisyèl an. Ou peye pou itilize li, pou kreye valè, pou gen kontwòl biznis ou.

Teknoloji kap travay pou ou, pa kont ou

Lè ou gen bon zouti ou konnen sa k ap vann, ou wè kote lajan ap pèdi, ou pran desizyon ak done, pa ak emosyon, ou prepare biznis ou pou grandi, pa sèlman pou siviv.

Se pa teknoloji ki konplike biznis ou. Se mank teknoloji ki kenbe biznis yo dèyè.

Angajman Nexora

Nan Nexora, angajman nou klè :

Rann bon jesyon aksesib pou tout biznis an Ayiti.

Nou kwè nan transparans, senplisite ak solisyon ki fè sans pou ekonomi lokal la. Paske lè biznis yo gen bon kontwòl, ekonomi an vin pi solid.

Bon jesyon pa dwe koute yon fòtin. Teknoloji pa dwe yon liks. Tout biznis an Ayiti gen dwa kontwole vant li, lajan li, ak avni li. Se vizyon sa a ki pouse Nexora. Se misyon sa a n ap pote chak jou.

Nexora — teknoloji modèn, pri ki adapte ak reyalite Ayiti.